تعمل إيه لو ماكينة البنك سجلت عملية السحب ومطلعتش فلوس

في أوقات كتير بيحصل وانت بتسحب فلوس من ماكينة الصراف الألي بالشارع إن الماكينة بتسجل عملية سحب الفلوس وتطلع الأيصال لكن مش بتطلع الفلوس وساعتها العميل بيترعب على فلوسه اللي راحت متقلقش هنقولك تعمل إيه.

أول حاجة تعملها لما تحصل معاك المشكلة دي هي إنك تتصل بخدمة العملاء في البنك التابع ليه الحساب حتى لو كانت الماكينة تابعة لبنك تاني.

– موظف الخدمة هيسألك كام سؤال هتجاوب عليهم بالتفصيل وأكيد هيتأكد في الأول انك صاحب الحساب.
– هتقدم إفادتك ببعض بيانات عمليات السحب أو الإيداع التي تمت خلال الفترة الماضية.
– وبعدها بيقوم الموظف بتفقد المبلغ المالي الموجود في الحساب الخاص بالعميل، للتأكد أن العملية تم تسجيلها فعلا، ولمعرفة هل تم سحب الأموال أم ظلت كما هي في الحساب.
– وفي حال التأكد إن عملية سحب الأموال لم تتم رغم خروج إيصال يفيد بإتمام عملية السحب، يتم استعادة الأموال للحساب مرة أخرى.