عصام كاريكا يكشف تفاصيل تحضيره أغنية جديدة للكينج محمد منير

فجر الفنان عصام كاريكا عدة تصريحات خلال حلوله ضيف على برنامج واحد من الناس، الذي يقدمه الإعلامي عمرو الليثي عبر قناة الحياة الفضائية.

عصام كاريكا: لحنت لكل نجوم الوطن العربي 

وقال عصام كاريكا في تصريحات يرصدها تحيا مصر: أنا من 5 سنين وقفت خالص إني أعمل لنفسي أغاني وركزت في التلحين، وأنا في الأصل ملحن، ولحنت لكل نجوم الوطن العربي، و100 فنان غنوا من ألحاني، ومنهم الفنان فؤاد المهندس وليلى طاهر، وعبد المنعم مدبولي.

تفاصيل أغنية عصام كاريكا للكينج

وتابع عصام صاصا، أنا بحضر غنوة حلوة أوي لـ الكينج محمد منير، بتقول: أنا الذي غنى وطبل، أنا الذي بحر جبل، أنا اللي قلبي ياما اتبهدل، أنا ولد أصول، أنا الذي عاشق حبيت ياما روحت وجيت، ونمت من غير ما اتعشيت، بقى كده معقول؟.

وأضاف، الأغنية هتنزل كمان أسبوع أو 10 أيام، وهتعجب الناس وعاملين حاجة محترمة، والمهم عندي إني أختار كلمة حلوة وتدوم.

واستطرد، أنا عندي أغاني بقالها 30 سنة بتتسمع لغاية النهاردة، وأنا بختار الكلمة اللي تبقى للزمن، وأعز 4 ألحان عندي: وهي عاملة إيه دلوقت لـ عمرو دياب، ودارت الأيام لـ راغب علامة ودي حدث في لبنان، وأعاتبك على إيه ولا إيه لـ محمد محي، ودي عملت نقلة في الموسيقى، وكمان أغنية فيلم بوحة.

تصريحات عصام كاريكا 

من جانبه، قال عصام كاريكا: لا أتمنى التعاون مع هيفاء وهبي في عمل فني، و محمد رمضان مؤدٍ وليس مطربا غنائيا.

وتابع، أنا نفسي اشتغل لأنغام، ولو عملنا حاجة بجد هعملها حاجة تفضل 30 سنة عايشة، ودي بقولها في كل البرامج بس يظهر أنها مش بتتفرج، أنا ناقصني أنغام، أنا عملت لشيرين عبد الوهاب، وديانا حداد ونوال الزغبي، وباسكال مشعلاني.

وأضاف، عملت لعمرو دياب أغنية وهي عاملة ايه دلوقت، ولمحمد منير أنا عمر عيني ما دمعت، وهاني شاكر أنا اسم على ورق، ولحكيم بيني وبينك خطوة ونص، وأول غنوة تنجح لحمادة هلال كانت من ألحاني.

واستطرد، أنا ومحمد محيي لما عملنا اعاتبك كسرت الدنيا، وكملت بقى عملت أهل الملامة، وأغنية وحياة أميرة بتاعت هنيدي ودنيا سمير غانم كانت بتاعتي، والألبوم كان نازل خلاص، فجه سمعها محمد قالي لا أنا هاخدها في فيلم يا أنا يا خالتي، وشلتها من ألبومي واديتهاله.

واستكمل، كان نفسي ألحن لذكرى الله يرحمها، ونفسي ألحن دلوقتي لأنغام لو في مصر وعملت لشيرين حاجات، وألحن لنانسي عجرم لو في لبنان ولحنت لمعظم المطربين الرجالة اللبنانين.

وعن عمرو دياب، أوضح: لما قالي ربت قولتله من حيث ايه، قال من حيث الصوت فرتبتها كاظم الساهر، جورج وسوف، عمرو دياب، رتبتلها من وجهة نظري اللي ممكن تبقى غلط من حيث الصوت، ورتبتهم من حيث الشهرة: عمرو دياب، كاظم الساهر، جورج وسوف.