«مش خيانة».. ياسمين عبدالعزيز تبكي على الهواء وتتحدث عن طلاقها من أحمد االعوضي

الموجز  

كشفت الفنانة ياسمين عبد العزيز، تفاصيل طلاقها من الفنان أحمد العوضي، مؤكدة أن “الخيانة ليست السبب الحقيقي وراء انفصالهما”.

وقالت ياسمين، في حوارها مع الفنانة والإعلامية إسعاد يونس ببرنامج “صاحبة السعادة” أمس الإثنين: “أقسم بالله سبب الطلاق مش خيانة، وفيه ناس مؤذية كتير بقالهم سنين بيأذوني وربنا يجبلي حقي، وأكيد لو خيانة أنا مش هسكت، والجمهور الحقيقي اللي بيحبنا بيحبنا مع بعض، فيه ناس قلبها أسود وحقودة مبيحبوش يشوفوا اتنين بيحبوا بعض ميعرفوش يعني إيه حب.”

وأضافت الفنانة باكية: “أكيد كان فيه مشاكل قبل الطلاق، وأنا مش بحب أحمد أنا بعشقه، أنا لما حبيت أحمد اكتشفت إني مكنتش بحب قبل كده، وإن أحمد هو أول حب في حياتي.”

وتابعت: “أنا كنت فاكرة أن قبل كده ده حب ولكن هو مش كده، أحمد الحب الحقيقي، أنا عن نفسي عملت استخارة وعمرة واللي ربنا رايده يكون، وعارفة إنه بيحبني وهو عارف إني بحبه.”

وعلقت ياسمين عبد العزيز ايضا على تنبؤ ليلى عبد اللطيف بطلاقها من أحمد العوضي، حيث قالت: “طبيعي أي اتنين بيتطلقوا بيكون فيه قبلها مشاكل وناس حوالينا عارفين وأكيد بلغوا، ومفيش حد بيعلم الغيب إلا ربنا.”