تعليق جديد من عصام صاصا بعد الإفراج عنه

خرج مطرب المهرجانات الشعبية عصام صاصا لتوجيه رسالة لمن شمت به في محنته، وذلك من خلال منشور كتبه على حسابه الرسمي بموقع التواصل الاجتماعي فيسبوك بعد الإفراج عنه في تهمة دهس أحد الأشخاص بسيارته على الطريق الدائري.

عصام صاصا بعد الإفراج عنه: الحمدلله على كل حال وربنا يعلم أنا متأثر قد اي 

وكتب عصام صاصا في المنشور الذي رصده موقع تحيا مصر منذ قليل: كل اللي بيحبوني واللي مبيحبونيش واللي شمتانين فيا يركزوا في الكلام ده.. طبعا الحمدلله على كل حال وكل اللي يجيبه ربنا خير ، بس ليه الناس شايفاني وحش ؟ ربنا اللي يعلم انا الموضوع ده مأثر فيا قد ايه ويارب ما حد يتحط في ربع الموقف اللي انا فيه ،، ربنا يرحم الراجل اللي انا شايل ذنبوا وشكله مبيفارقش عيني من ساعة اللي حصل ويصبر اهله ، بس في حاجات محدش  يعرفها لازم اطلع اوضحها بس انا مش قادر احكي حاجه دلوقتي من التعب اللي انا فيه.

عصام صاصا: هفضل شايل ذنب المتوفي طول عمري 

وكان قد قال عصام صاصا في أول تعليق له بعد الإفراج عنهوط: الحمد لله على قضاء ربنا اللهم لا اعتراض ربنا يرحم الراجل إلى أنا هفضل شايل ذنبو طول عمري بس ربنا شاهد على إلى حصل ومحدش هيحس بالي أنا شوفتو وعيشتو الساعات إلى فاتت، أنا هفضل شايل ذنبو طول عمري بس ربنا شاهد على إلى حصل ومحدش هيحس بالي أنا شوفتو وعيشتو الساعات إلى فاتت، ربنا يصبر اهله ويرحموا وشكرا لكل اخواتي إلى سألو عليا وشكرا لكل الناس إلى دفعت عن عصام وعارفه أن عصام عمرو ما يأذي حد بس دا قضاء ربنا.

أما عن زوجته جهاد، فاكتفت بنشر ستوري على حسابها الرسمي بموقع تبادل الصور والفيديوهات انستجرام عبر خاصة ستوري والتعليق عليها: “روحي رجعتلي”.

أزمة عصام صاصا

وجدير بالذكر، أنه كانت قد بدأت أزمة عصام صاصا في فجر يوم الاثنين بعد دهسه لأحد الأشخاص أثناء عودته من حفله الغنائي على طريق الدائري، وسرعان مع تم القبض عليه ونقل المصاب إلى المستشفى ولكن كان قد لفظ أنفاسه الأخيرة وتوفى، وظل عصام صاصا في التحقيقات حتى عصر اليوم الثلاثاء، ومن ثم تم الإفراج عنه بكفالة مالية قدرها 30 ألف جنيها.